Thursday, October 9, 2014

లక్ష్మణదేవర నవ్వు -1

లక్ష్మణదేవర నవ్వు

వెన్నెలబైటనే వేలసంఖ్యలను ! గద్దెలుబెట్టించ్రీ కరుణాకరూలు!
అఖిలాండకోటి బ్రహ్మాండనయకులు! కోసలేంద్రులంత కొలువు గూర్చుండ్రి!
విభీషణుడూపెక్కు వీడెములుదెచ్చి! ఆరాఘవేశ్వర్ల హస్తానయుంచే!
వీడెములుదెచ్చినా విప్రూలకెల్లా! వరుసతోదయచేస్రి వాలిమర్దనులూ!
వాలిమర్దనులచే వామభాగమునా! వానర్లసేనంత వసియించికొలువా!
వస్త్రంబరమ్ములే వరభూషణములు! విస్తారముగదెచ్చి విభీషణుకిచ్చె!
తగినాందానాలు తురగములుపసిడి! ధరణిపతికనబోయె ఏడుకోట్లతోనూ!
మ్రొక్కిముందరనిలిచి నిజభక్తుడనియె! పనిలేమియనుచునో పరదిక్కులానా!
సింహాసనముగద్దె చేరియిరిగడలా! సింహవిక్రములైన శ్రీరామపాద!
పద్మములువత్తుచూ వరములడుగుచును! దివాకరసుతుడైన సుగ్రీవుడొచ్చికొలువ!
ఉన్నంతకొలువులో యురవమైయుండె! బద్ధకమువిజయ భూపాలుతమ్మునకు!
అధికశ్రీరాఘవులు అనుగుతమ్మునికి! ఘనుడులక్ష్మణ సన్నిధిదేవునకును!
జననాధవంట్లోను జాడ్యమైతోచె! భావించిపలుకులు బలుపులయియుండె!
మెల్లమెల్లలేచి మేలుకునికునికీ! తనలోనెతలయూచి తలవంచుకొనెను!
వజ్రదళమూర్తయిన అన్నకొలువులో! ఆలకించీలేచినవ్వె లక్ష్మణుడు!
కిలకిలనవ్వె లక్ష్మణదేవరపుడు! కలతలుబుట్టేనూ కపులకందరికి
కిలకిలనవ్వె లక్ష్మణదేవరపుడు! కిలకిలనవ్వగా ఖిన్నుడాయెరాజు!
ఇందరిచిత్తమ్ము యీవిధమ్ముననూ! నిండినకొలువెల్ల కడుచిన్నబోయే!
శంకరుడుతనలోను తలచియిట్లనెను! జాలారివీధులా నీలకన్యకను!
జడలెత్తిశిరసునా ధరియిస్తిననీ! తలచిలక్ష్మణనేడు తానవ్వననీ!
శంకరుడుకొలువులో తలవంచుకొనెను! జాంబవంతుడుతనలోను తలచియిట్లనెను!
ఈశ్వరునిపెండ్లికి ఈజగమంతా1 పిలువనంపిరి తన్నుప్రేమతోడు తను!
గునగుననడువగా కురచజంఘ్యలను! పనిపూనినడువగా పదములోపలను!
నడుమువిరిగెనుతనకు నాడుమొదలుకొనీ! తలచీలక్ష్మణనేడు తానవ్వననుచు!
జాంబవంతుడుకొలువులో తలవంచుకొనెను! శేషుడుతనలోను తలచియిట్లనెను!
ఎల్లకాలమురాజు పాన్పుగానుండి! పగవానికీవీడు భక్తుడాయెననుచు!
తలచిలక్ష్మణనేడు తానవ్వననుచు! శేషుడుకొలువులో తలవంచుకొనెను!
నీలుడూతనలోను తలచియిట్లనెను! తండ్రిదేవాపూజ తగుననుచుచేసె!
నీళ్ళలోపలాముంచి నిండంగబట్టీ! తేలకుండాబట్టీ చెప్పకుండాను!
తలచిలక్ష్మణనేడు తానవ్వననుచు! నీలుడుకొలువులో తలవంచుకొనెను!
అంగధుడుతనలోను తలచియిట్లనెను! సాహసమ్మునతండ్రి చంపినారాజూ!
తలచివేడుకకూడు కుడిచెవీడనుచూ! తలచిలక్ష్మణునేడు తనవ్వననుచు!
అంగదుడుకొలువులో తలవంచుకొనెను! సుగ్రీవుడుతనలోను తలచియిట్లనెను!
తనవెనుకతన అన్న ఆవాలిజంపి! చంపితనవదినెను సతిచేసుకొని!
కానకయున్నాడు కపీంద్రుడనుచు! కిష్కింధరాజ్యమ్ము యేలెవీడనుచు!
తలచిలక్ష్మణవేడు తానవ్వననుచు! సుగ్రీవుడుకొలువులో తలవంచుకొనెను!
విభీషణుడుతనలోను తలచియిట్లనెను! ఆయువులుదెలిపి యుపాయముమరచి!
అక్షోహిణిబలగములు అందరినిజంపి! లంకకుపట్నపు రాజైతిననుచు!
తలచిలక్ష్మణవేడు తానవ్వననుచు! విభీషణూడుకొలువులో తలవంచుకొనెను!
హనుమంతుడు తనలోనుతలచియిట్లనెనూ!  పెద్దవాడినెంతయిన పేరులకుపెద్దా!
పడుచువానిచేత పట్టుబడితిననుచు! తలచిలక్ష్మణవేడు తానవ్వెననుచు!
అంజనీసుతుడైన హనుమతలవాల్చె! భరతశత్రుఘ్నులు భయమందిరంతా!
ధరణెల్లబుచ్చుకొని తమతల్లికైకా! పంపెనుయుగ్రంపు నడవులకనుచు!
ఇమ్మహివత్తురే ఈమహీపతులు! ఇష్టసంపదలతో నిట్లున్నవారు!
తలలుగానీతలలు వాల్చిరిద్దరును! ధాత్రిసుతతనలోను తలచియిట్లనెను!
కారడవిలో దశకంఠునిచేత! పట్టుపడ్డట్టి సతితొడలమీద!
పెట్టుకొనియున్నాడు సృష్టీశ్వరుడనుచు! అతివయారు నెలలుబాసియీరాజు!
ప్రాణములుయెట్లుండెయో కోమలాంగి! ఆడరానిమాటలాడి తివనుచూ!
ఆడావారిమాట నమ్మరాదనుచు! తలచిలక్ష్మణవేడు తానవ్వెననుచు!
ధాత్రిసుతకొలువులో తలవంచుకొనెను! సభవిడిచిచెడియున్న శర్వేళ్వరూలు!
సతిముఖముజూచియు తాచిన్నబోయె! ఇంతకాలమాయె నీకపులనేలి!
కలకలబుట్టుటకు కారణంబేమి! కొలువులోనవ్వుటకు కోపించెరాజు!
తలతెగవేతునని తాఖడ్గమెత్తి! వారుఎత్తుకబోయిరి వనజనాభులను!వనితశంభూలంత తమరడ్డుపడిరి! భూమీశలక్ష్మన్న బాలుండుగాడా!ధరణీశతగదయ్య సౌమిత్రినరుక! వీరుడా శూరుడా శౌర్యపరుండా!కారణమునవ్వేమి అనుజుడాచెపుమా! ధరణీశతమ్ముడని సయ్యబిలిచినను!ధరణిజాతావణకె చెమ్మటగురిసెఏ! గడగడావణకుచు కమలాయతాక్షి!వెరపుతోవత్తెతన విభునిపాదములు! అత్యంతవరమూర్తి అతిదాయకుడవు!శ్రితకల్పవృక్షమా సిరిదాయకుడవు! రాజులభోజుడవు రామచంద్రుడవు!ధర్మచారిత్రుడవు తర్కమేమిటికి! ఇందిరానాయకా ఇక్ష్వాకులతిలకా!నాదొక్కవిన్నపము నరనాధవినుమి! ముందునునడవులకు పోయున్ననాడు!ఆపర్ణశాలలో మనముండగాను! పరమాత్మమీసేవ చేయగాజూచి!
ఉండగానేవచ్చె ఉత్తమ్మునిద్రా! రెండుజాములవేళ్ళ నిద్రయేతెంచె

వాలేటీంబులను లక్కబంతులను! పొందవచ్చినప్పుడే వాలుటంబులను!
సతిరూపుజేకొనీ దిగబడియెడ్వా! అతివనీవెవ్వరే అంగలార్చేవు!
భూమీశపుట్టు నిద్రాదేవితాను! అష్టదిగ్గజములను ఆదిఋషులా!
వైకుంఠనాభులను వసియింతునేను! సప్తస్సాగరంబులను చవటాపడుగులను!
పారేటినదులను భ్రమియింతునేను! పక్షులజాతులలోను పర్వతంబులను!
వృక్షాలపైనుండి విహరింతునేను! నరులుఎవ్వారును ననుగెల్వలేరు!
దీనతపడియుందు నీయాజ్ఞాలేదు! నిలువరానివ్వదే దీనిచేతాజ్ఞ!
వలగొనిముమ్మారు ప్రదక్షిణముజేసి! సాష్టాంగ దండనమస్కారములుజేసీ!
మాయన్నరఘుపతికి మావదినకూను! ఈపర్ణశాలకే తానుకాపనెను!
పొమ్ముడీయోధ్య వేగపురినగరు! తన్నుబాసితన సతియుండతగదు!
రాత్రియునుపగలును లేవకుండగను! తనువిడచిపొందు మీధవళాక్షినిద్ర!
కడువేడ్కాయ్యోధ్య కనకపట్నాన! కాకుత్థ్సతిలకుడూ గట్టిననాడు!
సేనలుమంత్రులూ కొలువైయుండగను! అపుడుతనుపొందుమని పలికీతిననెను!
తప్పకయొకఘడియ తడబడకుండ! తనునిద్రపొందితే నవ్వీతిననెను!
అనుతమ్మునిపల్కు లాలించివినుచు!  అతచేతికన్నీరు అతిసహస్రమాయె!
జలము అంజలిపైని కలయగురిపించే! ఈపాపభయంబు తనకేవిధంబునను
పరిహరించేటి యుపాయంబులేదు! తనలోనెతలవిడవ తలచెరాఘవులు!
ఆఋషులువాశిష్టు అప్పుడిట్లనిరి! భూమీశమీకిట్లు బుద్ధిగాదయ్య!
మీరులక్ష్మన్నకే నిద్రపటమమర్చీ! పాదలువత్తుమని పలికెరాముని!
(ఆపైన ఏమిజరిగిందో రెండోభాగంలో చదవండి....) :)

Sunday, October 5, 2014

శ్రీకృష్ణుని జననము - 2 (కస్తూరి రంగరంగా - నాయన్న - కావేటి రంగరంగా)

ప్రేమ కృష్ణుణ్ణి చూచీ - పూతకి - ప్రియముతో బుజ్జగించి
నాయన్న ఊరుకోర - నాతండ్రి - పాలు ఇచ్చెదను రార
మూడు గుక్కలు పీల్చగా - పూతకి - భూమిపైకొరిగి పడగా
గోపెమ్మ చూచి అపుడూ - బంగారు - గిన్నెలో బువ్వపెట్టి
ప్రొదున్న ఉగ్గుపోసి - కృష్ణుణ్ణి - యొడలోను పందవేస
అంతలో కంసహితుడూ - బండిరూ - పై యెదురుగవచ్చెనూ
పాదములు రెండు పిడుగు - లావలే - దడదడా విసిరెనపుడూ
వృషభమై వచ్చినిలువ - ఒక్కలఘు - వున చంపివేసెనపుడూ
చల్లమ్ము వారలెల్లా - ఈకబురు - చల్లగా చెప్పిరపుడు
రేపల్లె వాడలోను - ఉన్నట్టి - గోపికల గుంపుగూడి
"మాయిళ్ళ కొచ్చునమ్మా - కృష్ణూడు - మమురవ్వ చేసునమ్మా
తాళలేమమ్మ మేము - మీ సుతుడు - తాలిమితొ ఉండడమ్మా
మగనివలె పనులుసేయా - నీ సుతుడు - మా యిండ్లలోకి వచ్చూ
ఇనైకన బుద్ధిచెప్పీ - ఇంతిరో - పదిలమ్ము సేయుమమ్మా"
అనుచును గట్టిగానూ - మనమంత - గోపెమ్మ కడకుబోయి
చెప్పుదామనుచు వారు - గోపెమ్మ - చెంతకేగగ నప్పుడు
గోపాలకృష్ణు డపుడూ - అచటనే - పాలుత్రాగుచు నుండెనూ
ఇదియేమి యాశ్చర్యమే - ఓ చెలియ - ఇదియేమి చోద్యమమ్మ
కనుపాపలను దీసునే - కృష్ణుడు - దొంగతనములు చేసునే
ఇకనేమి చేసునోను - మన ముబులు - పాటమున వస్తిమమ్మా
అమ్మనే నెరుగనమ్మా - నాత్రోవ - నేబోవు చుండగాను
ననురవ్వ చేసిరమ్మ - నేనంత - భయపడీ వస్తినమ్మా
కొబ్బరి కుడకలనుచు - గోపికలు - గొబ్బున పిలువబోవ
కొబ్బరి కుడకలనుచు - గోపికలు - గుబ్బలను చూపినారు
పొరుణమి రోజులందు - జలజాక్షు - లందరూ కూడకోనీ
చీరలటు తీసివేసి - గోపికలు - జలకమాడుచు నుండగా
తీసివుంచిన చీరలు - కృష్ణుండు - వేసె ఆ పొన్నమీద
వేసియూ వేణునాదం - వూదుచూ - వుండె నా మాధవుండూ
జలమమ్ము చాలించియూ - గోపికలు - మన చీర లేమాయెనే
నమ్మరాదమ్మ కృష్ణుని - ఇకను ఈ - చినగొల్లవాని నెపుడూ
ఎంతపని చేసెనమ్మా - ఓ చెలియ - ఏమి యాశ్చర్యమమ్మా
వెదకుచూ కొందరుండీ - నీళ్ళలో - మునిగియుండిరి కొందరూ
అప్పుడూ గోపికలో - ఒకయింతి - తాజూచి శ్రీకృష్ణునీ
ఇవ్వరా మా చీరెలూ - ఓ కృష్ణ - ఇవ్వరా మా రవికలూ
దండంబు పెట్టెదార - కృష్ణయ్య - దయయుంచి దయచేయరా
అందరూ ఒకచేతితో - దండంబు - పెట్టగా చూచితాను
పొందుగా మీరందరూ - దండంబు - రెండుచేతుల బెట్టరే
ఎంతపని వచ్చెననుచూ - గోపికలు - మానభంగము నొందిరీ
వసుదేవ తనయునకునూ - దండంబు - రెండుచేతుల బెట్టిరీ
పొందుగా వలువలన్నీ - కృష్ణుండు - పేరుపేరున ఇచ్చెను
నాయత్త తిట్టునేమో - యనుచు నొక - రొకరితో వగచిరపుడూ
మాయాడు బిడ్డ యిపుడూ - కొట్టునో - నా బావ దండించునో
నా మగడు నన్ను బ్రతుక - నివ్వడూ - నేనేమి చేతునమ్మా
కస్తూరి రంగరంగా - నా యన్న - కావేటిరంగ రంగా
శ్రీరంగ రంగరంగ - నిను బాసి - యెట్లు నేమరుచుందురా

శ్రీకృష్ణుని జననము - 1 (కస్తూరి రంగరంగా - నాయన్న - కావేటి రంగరంగా)

కస్తూరి రంగరంగా - నాయన్న - కావేటి రంగరంగా 
శ్రీరంగ రంగరంగా - నినుబాసి - యెట్లునే మరచుందురా
కంసుణ్ణి సంహరింపా - సద్గురుడు - అవతారమెత్తెనపుడూ
దేవకీ గర్భముననూ - కృష్ణావ - తారమై జన్మించెనూ
యేడు రత్రులు చేరిచీ - ఒకరాత్రి - యేకరాత్రిగజేసెను
ఆదివారము పూటనూ - అష్టమీ - దినమందు జన్మించెను
తలతోను జన్మమైతే - తనకు బహు - మోసంబు వచ్చుననుచు
ఎదురు కాళ్ళను బ్ట్టెను - ఏడుగురు - దాదులను జంపెనపుడు
నెత్తురుతొవుండి యపుడూ - ఆబాల - కావుకావున ఏడ్చుచు
నన్నేల యెత్తుకొనవే - ఓతల్లి - దేవకీ వందనంబు
ఒళ్ళెల్ల హీనంబుతో - ఈరీతి - నున్నాను కన్నతండ్రి
నిన్నెట్లు ఎత్తుకొందూ - నీవొక్క - నిముషంబు తాళరన్నా
గంగనూ ప్రార్ధించెనూ - జలనిధుల - గంగతా నుప్పొంగెను
గంగనదిలో నప్పుడూ - దేవకీ - జలకంబు లాడెనపుడు
ఇకనైన యెత్తుకొనవే - నాతల్లి - దేవకీ వందనంబు
కాని బాలుని వలెను - నన్నిట్లు - యెడబాసి యుండతగునా
నీ పుణ్యమయె కొడకా - యింకొక్క - నిముషంబు తాళుమనుచూ
కామధేనువు నప్పుడూ - దేవకీ - కడగి ప్రార్థించగాను
పాలవర్షము గురిసెను - అప్పుడా - బాలుపై చల్లగానూ
తడివస్త్రములు విడచెనూ - దేవకి - పొడివస్త్రమును కట్టెను
పొత్తిళ్ళమీద నపుడూ - బాలుండు - చక్కగా పవళించెను
తనరెండు హస్తములతో - దేవకి - తనయుణ్ణి యెత్తుకొనెను
అడ్డాలపై వేసుక _ ఆబాలు - నందచందము చూచెను
వసుదేవు పుత్రుడమ్మా - ఈబిడ్డ - వైకుంఠ వాసుడమ్మా
నవనీత చోరుడమ్మా - ఈబిడ్డ - నందగోపాలుడమ్మ
సితపత్ర నేత్రుడమ్మా - ఈబిడ్డ - శ్రీరామచంద్రుడమ్మ
శిరమున చింతామణి - నాతండ్రి - నాలుకను నక్షత్రము
పండ్లను పరుసవేది - భుజమున - శంఖచక్రములు గలవు
వీపున వింజామరం - నాతండ్రి -బొడ్డున పారిజాతం
అరికాళ్ళ పద్మములను - అన్నియూ - అమరెను కన్నతండ్రీ
నీరూపు నీచక్కనా - ఆ బ్రహ్మ - యెన్నాళ్ళు వ్రసెతండ్రీ
అన్నెకరి కడుపునా - ఓ అయ్య - ఏల జన్మిస్తివయ్య
మా యన్న కంసరాజు - ఇప్పుడూ - వచ్చు వేళాయెరన్నా
నిన్ను నే నెత్తుకోని - ఏ త్రోవ - నేగుదుర కన్నతండ్రి
ఆ చక్కదనము జూచి - దేవకి -శోకింపసాగె నపుడు
తల్లి శోకము మాంపగా - మాధవుడు - గట్టిగా ఏడ్వసాగె
శోకంబు చాలించియూ - దేవకి - బాలుణ్ణి యెత్తుకొనెను
నాయన్న వూరుకోరా - నాతండ్రి - గోపాల పవళించరా
అల్లడుగొ బూచివాడు - నాతండ్రి - వస్తాడు పవళించరా
బూచులను మర్ధించనూ - నలినాక్షి - బుద్ధిమంతుడను అమ్మా
బూచేమి చేసునమ్మా - నాతల్లి - బూచి నన్నెరుగు నమ్మా
నీ పుణ్యమాయె కొడుక - నీవొక్క - నిముషంబు తాళుమనుచు
అల్లడుగొ జోగివాడూ - నాతండ్రి - వస్తాడు పవళించరా
జోగి మందుల సంచులూ - ఏవేళ - నాచంక నుండగాను
జోగేమి చేసునమ్మా - నా తల్లి - జోగి నన్నెరుగునమ్మా
నీ పుణ్యమాయె కొడకా - నీవొక్క - నిముషంబు తాళుమనుచు
అల్లదుగొ పాము వచ్చె - నాతండ్రి - గోపాల పవళించరా
పాముల్ల రాజె అయిన - శేషుండు - పానుపై యుండగానూ
పామేమి చేసునమ్మా - నళినాక్షి - భయము నీకేలనమ్మా
నీలి మేఘపు చాయలూ - నీమేను - నీలాల హరములునూ
సద్గురుడు వ్రాసె నాడు - నాతండ్రి - నీరూపు నీచక్కన
నిన్ను నే నెత్తుకోనీ - యే త్రోవ - పొదురా కన్నతండ్రీ
నాకేమి భయములేదే - నాతల్లి - నకేమి కొదువలేదే
మా మామ కంసుకుండు - ఈ వేళ - నన్ను వెరపించవస్తే
మా మామ నాచేతనూ - మరణామై - పొయ్యేది నిజముసుమ్మూ
వచ్చు వేళాయెననుచూ - నాతల్లి - వసుదేవు పిలువనంపూ
గోపెమ్మ బిడ్డ నిపుడ్ - శీఘ్రముగ - తెచ్చి నీవుంచవమ్మా
అంతలో వసుదేవుడూ - బాలుణ్ణి - తలమీద ఎత్తుకొనెనూ
రేపల్లె వాదలోనూ - గోపెమ్మ - ఇంటనూ వచ్చెనపుడూ
గోపెమ్మ పుత్రినపూడూ - వసుదేవు - భుజముపై నెక్కించుకూ
దేవకీ తనయు డపుడు - పుట్టెనని - కంసునకు కబురాయెను
ఝల్లుమని గుండెలదర - కంసుండు - పీఠంబు దుమికె నపుడూ
జాతకంబులు చూచెనూ - గండంబు - తగిలెనని కంసుకుండు
చంద్రాయుధము దూసుకా - శీఘ్రముగ - దేవకి వద్దకొచ్చె
తెమ్మని సుతునడిగెను - దేవకి - అన్నదీ అన్నతోనూ
మగవాడు కాదురన్న - ఈ పిల్ల - ఆడపిల్ల నమ్మరా
ఉపవాసములు నోములూ - నోచి ఈ - పుత్రికను గంటినన్నా
పుత్రి దానము చేయరా - నాయన్న - పుణ్యవంతుడవురన్నా
దేవాదిదేవులైన - బ్రహ్మ రు - ద్రాదులకు పూజచేసి
పూజ ఫలములచేతనూ - వారికృప - వల్ల పుత్రికను గంటీ
నీ పుణ్యమాయెరన్న - నీవు పు - త్రికను దయచేయుమన్నా
నిర్దయాత్మకుడవగుచు - నీవిట్లు - చేయుటతగదురన్నా
ప్రేమతో చెల్లెలపుడు - అన్నను - చెయిబట్టి బ్రతిమాలెనూ
గంగాది నదులయందూ - పుత్ర దా - నము చేయమని వేడెనూ
కాదు కాదని కంసుడు - దేవకి - పుత్రికను అడిగె నపుడు
అడ్డాలపై బాలనూ - పుచ్చుకొని - ఎగరేశి నరకబోయె
అంబరమునకు ఎగురగా - వేయునపు - డా బాల కంసు జూచి
నన్నేల చంపెదవురా - నీయబ్బ - రేపల్లె వాడలోను
పెరుగుతున్నాడ వినరా - కృష్ణావ - తారమై జన్మించెనూ
నిజముగా దోచెనపుడూ - కంసుండు - యేతెంచి పవళించెనూ
రేపల్లె వాడలోనూ - పెరుగుచు - న్నాడనీ దిగులొందెను
నీ యబ్బ నీ తాతరా - కంసుడా - కృష్ణుండు పుట్టెననుచూ
చల్లమ్ము వారలెల్లా - ఆకబురు - చక్కగా చెప్పగాను
పూతకికి కబురాయెను - అప్పుడా - పూతకి చనుదెంచెను
శృంగారముగ పూతకీ - స్తనములకు - విషధార పూసుకొనెను
రేపల్లె వాడలందూ - కృష్ణుండు -  తిరుగుచున్నా చోటకూ
చనుదెంచి విషపు పాలూ - ఇవ్వనూ - సమకట్టి ఇవ్వగానూ
బాలురతొ బంతులాడ - కృష్ణూని - బాలురందరు కొట్టగా
కావుకావున ఏడ్చుచు - పరుగెత్తి - వీధినడుమన నిలచెనూ